Nga Mirela Sula*

Natyra njerëzore është gjithmonë në kërkim të shprehjes së harmonisë në të gjitha dimensionet.

 

1. Aktivizoni këtë harmoni brenda vetes dhe kërkoni të bëheni cfarë gjithnjë keni dashur në jetë.

 

Shpesh herë tentojmë të nisim shumë gjëra dhe jemi të vendosur t’i mbarojmë, pa u dorëzuar. Nuk duam ta lejojmë veten të krijojmë zakonet e dështimit.

 

2. Merrni përsipër të bëni çfarë rezonon me qëllimin tuaj. Kur jemi në ndjekje të misionit dhe kemi një kauze të mirë, Universi nuk lë asgjë dhe askënd të na pengojë.

 

Një ide e vetme mund të vlejë miliona lek, dhe këto ide kërkojnë një mendje vigjilente.

 

 

3. Bëhuni vigjilent dhe ngrijeni veten ne nje nivel te larte vetedijeje që të jeni të gatshëm t’i kuptoni shenjat e ideve brilante kur të jenë duke ardhur.

 

Jeta është shkëmbim i të vjetrës me të renë

 

4. Lejoni të shkojë cfarë është duke ikur dhe lehtesoni të vijë çfarë është duke ardhur në jetën tuaj…

 

Në mënyrë që të përmirësojmë rrethanat tona, duhet të përmirësojmë veten më parë.

 

5. Përmirësoni mendimet dhe dëshirat tuaja. Bëni kujdes që ajo çfarë dëshironi për veten të jetë ajo çfarë uroni për çdo kënd tjetër gjithashtu.

 

Burimi i jetës rrjedh brenda nesh

 

6. PërqendrohunI tek gjërat që doni dhe jo në ato që nuk doni. Rrisni besimin në vete, kurajon dhe ndjenjat të cilat ju sjellin rezultatet që dëshironi duke pasuruar botën tuaj të brendshme.

 

Fuqia mendore është një forcë krijuese

 

7. Prodhoni progresin më të madh mendor dhe rrisni aftësinë të krijoni për veten. Kur e them këtë, nuk nënkuptoj të marrim nga të tjerët, por të zhvilloni intuitën dhe mencurinë brenda jush që të ndani gëzimet me të tjerët.

 

RRISNI DASHURINE PER VETEN – MOS E LINI TE IKE

 

Kur të zgjohesh nesër në mëngjes

Ta ndjesh frymën e erës së re

Ftoje të vijë brenda

Mos e lër të ikë

 

Kur ta ndjesh erën të të prekë

Lejoje ndjelljen tënde të hyjë në Univers

Mos e lër të ikë

 

Kur të prekësh valët e Universit

Dhe energjia të përshkojë trupin tënd

Ftoje veten të vallëzojë me të

Është momenti yt

Mos e lër të ikë

 

Kur të shohësh njerëzit që të shtyjnë

Rrite hapin tënd dhe thirre besimin të vijë

Mos e lër të ikë

 

Kur të të kaplojë frika e humbjes

Gjeje dorën e një miku

Shtrëngoje fort dhe mbaju aty

Mos e lër të ikë

 

Kur të rrëzohesh nga dështimi i radhës

Dhe të paguash për të me pahir

Kërkoje leksionin në faturën e tij

Mos e lër të ikë

 

Kur të marrësh leksionet e humbjeve që shkuan

Prej një biletë dhe nis udhëtim të ri

Mos e lër të ikë

 

Shumë gjëra na ikin në jetë

Por gjithmonë e ka një shans të dytë

E ka emrin nesër

Prite me durim dhe lëre gëzimin të vijë

Me Vitin e Ri 2014

 

  • Autore e librave: “Mos e Ler Dashurine” te Ike dhe “Mos e Ler Mendjen te Ike”

 

Leave a Reply

Your email address will not be published. Required fields are marked *